hamode qawasmi
صديق
عدد المساهمات : 13
نقاط : 37
السٌّمعَة : 0
تاريخ التسجيل : 12/01/2010
 |  موضوع: بنحب رام الله  الإثنين يناير 25, 2010 10:15 am | |
| ليش بنحب رام الله؟؟؟؟؟؟؟؟؟؟؟؟؟ لأنه في رام الله الواحد بيطلع من الكوفي شوب عشان يروح ع مطعم وبالعكس . لأنه في رام الله ما بتحتاج لموعد مع أصحابك لأنك كل يوم بتشوفهم . لأنه في رام الله أول واحد بهنيك برمضان صاحبك المسيحي. لأنه في رام الله في عيد الميلاد أول واحد بهنيك أخوك المسلم. لأنه في رام الله كل الناس بتحب بعض بس ما بتدخل في بعض . لأنه في رام الله البنات حلوات بدون عمليات تجميل . لأنه في رام الله ممكن انك تنبسط وما تصرف إلا شيكلين . لأنه في رام الله ممكن تفطر فلافل وتتغدى صيني وتتعشى بيتزا ايطالية
لأنه في رام الله بتشوف الناس رايحة على شغلها الصبح وطالعة تسهر بالليل . لأنه في رام الله بتكزدر في ركب وبتآكل ركب وأروع قعده في ركب . لأنه في رام الله أول ما تروح عند صاحبك بدخلك ع المطبخ وبطعميك من أكل بيتهم . لأنه في رام الله أول ما يدخلها الجيش كل الشباب بتضربهم حجار وأول ما يطلعوا بروحوا يريحوا في المقاهي والمطاعم أسباب أخرى : لأنه في رام الله الكل متواطئا على سماع فيروز الصبح
لأنه في رام الله بتدفي قلبك بشيكل ازا شريت كيس فستق محمص وسخن
لأنه في رام الله بس رح تسمع الكلمات القروية بلهجة أجنبية give me a تشرسي
لأنو أسماء الإشارة برام الله فريدة من نوعها هيدا وميدا وهما
لأنه في رام الله كل الناس بتستنى بعض عند البنك العربي حتى الأجانب . لأنو في رام الله أي واحد اتعرفت عليه ع المسنجر بتلاقي بكزدر بشارع ركب .
لأنو رام الله مدينة حزينة يوم الخميس بكونو أهل الشمال روحوا
لأنو هون ما بتعرف وين بتخلص رام الله وبتبلش البيرة
لأنو برام الله وأنت نازل بشارع المنتزه ... بتردلك الروح
لأنو فيروس الحب منتشر برام الله ... وكل الناس مزكمين لأنو برام الله الخضرجي بجبك تآكل كويس عشان هيك ما ببيعك إلا بالرطل
لأنو إذا انقطعت من المصاري إلا ما تلاقيلك صاحب يدفع أجار الطريق وإذا ما لقيت اركب السرفيس وحيتخانقو 3 عشان يدفعوا عنك .
| |
|
سرحان_شويكة
ملك المنتدى
عدد المساهمات : 443
نقاط : 1370
السٌّمعَة : 0
تاريخ التسجيل : 12/12/2009
| | موضوع: رد: بنحب رام الله الثلاثاء يناير 26, 2010 3:38 am | |
| ههههههههههههههههههههههههههههه من وين جايبوا | |
|
